19.ശ്രീ ധര്മ്മശാസ്തൃ ആശ്രയ ദശകം
December 14, 2009 at 4:51 am Leave a comment
19. ശ്രീ ധര്മ്മശാസ്തൃ ആശ്രയ ദശകം
സുരാസുരാ/രാധിത ദിവ്യപാദുകം
ചരാചരാന്തഃസ്ഥിത ഭൂതനായകം
വിരാജമാനാ/നനമാദി ദേശികം
വരാഭയലംകൃതപാണി/മാശ്രയേ. 1.
വരാസനസ്ഥം മണികണ്ഠ/മുജ്വലം
കരാംബുജോപാത്ത വിഭൂതിഭൂഷണം
സ്മരായുതാകാര/മുദാര/വിഗ്രഹം
സ്മരാമി ശാസ്താര/മനാഥരക്ഷകം. 2.
സ്മരാദി സംഗീത രസാനുവര്ത്തനം
സ്വരാജകോലാഹല ദിവ്യകീര്ത്തനം
ധരാധരേന്ദ്രോപരി നിത്യനര്ത്തനം
കിരാതമൂര്ത്തിം കലയേമഹദ്ധനം. 3.
നിരാമയാനന്ദ ദയാ പയോന്നിധിം
പരാത്പരം പാവനഭക്തശേവധിം
അരാദിവിച്ഛേദന വൈദ്യുതാകൃതിം
ഹരീശഭാഗ്യാത്മജ/മാശ്രയാമ്മ്യഹം. 4.
ഹരീന്ദ്ര മാതംഗ തുരംഗ/മാസനം
ഹരീന്ദ്ര ഭസ്മാസന ശങ്കരാത്മകം
കിരീടഹാരാംഗദ കങ്കണോജ്ജ്വലം
പുരാതനം ഭൂതപതിം ഭജാമ്മ്യഹം. 5.
വരപ്രദം വിശ്വവശീകൃതാകൃതിം
സുരപ്രധാനം ശബരീഗിരീശ്വരം
ഉരുപ്രഭം കോടിദിവാകര പ്രഭം
ഗുരും ഭജേഹം കുലദൈവതം സദാ. 6.
ആരണ്ണ്യശാര്ദ്ദൂലമൃഗാദി മോദകം
ആരുണ്ണ്യവര്ണം ജഗദേകനായകം
താരുണ്ണ്യ സംപന്നിലയം സനാതനം
കാരുണ്ണ്യമൂര്ത്തിം കലയേ ദിവാനിശം. 7.
ദുരന്ത താപത്രയ പാപമോചകം
നിരന്തരാനന്ദ ഗതിപ്രദായകം
പരം തപം പാണ്ഡ്യനൃപാല ബാലകം
ചിരംതനം ഭൂതപതിം സമാശ്രയേ. 8.
വരിഷ്ഠമീശം ശബരീഗിരീശ്വരോ
വരിഷ്ഠ/മിഷ്ഠ/പ്രദം ഇഷ്ടദൈവതം
അരിഷ്ടദുഷ്ടഗ്രഹ ദൈത്യ ശാന്തിദം
ഗരിഷ്ഠ/മഷ്ടാപദ വേത്രമാശ്രയേ. 9.
സരോജശംഖാദിഗദാ വിരാജിതം
കരാംബുജാനേക മഹോജ്വലായുധം
ശിരസ്ഥമാല്യം ശിഖിപിഞ്ച്ഛശേഖരം
പുരഃസ്ഥിതം ഭൂതപതിം സമാശ്രയേ. 10.
__________(RK)____________
Entry filed under: Uncategorized. Tags: .
Trackback this post | Subscribe to the comments via RSS Feed